«Ինչի՞ հետ են կապված ԱԺ մուտքի մոտ խստացումները». Մարուքյանը՝ Միրզոյանին

ԱԺ մայիսի 6-ի նիստը սկսվեց մի քանի րոպե ուշ․ պատգամավորներին ձեռնոցներ ու դիմակներ էին բաժանում: ԼՀԿ խմբակցության ղեկավար Էդմոն Մարուքյանը հետաքրքրվեց, թե ինչո՞ւ են պատգամավորներին արգելում մուտք գործել, ո՞րն է խստացման պատճառը:

«Մեզ պարտադրում են, որ ձեռնոց հագնենք, անհասկանալի վիճակ ա․․․ Կամ բոլորս ենք հագնում, կամ չենք գալիս, կամ ով հիվանդ ա՝ չի գալիս»,- ասաց նա:
ԱԺ նախագահ Արարատ Միրզոյանը պարզաբանեց. «Կասկած կա, որ ԱԺ աշխատակիցներից մեկը կոնտակտավոր անձ է: Քանի դեռ հանգամանքները չեն պարզեցվել, բոլորս մի քիչ ավելի խստացված կերպով ենք ձեռնարկում կանխարգելիչ միջոցառումները»։
Նա նկատեց, որ ոչ մեկին չի պարտադրվում դիմակ ու ձեռնոց կրել, դա կամավոր է: Ավելին՝ այն պատգամավորները, ովքեր ողջամիտ մտահոգություն ունեն, կարող են չներկայանալ աշխատանքի, և նրանց բացակայությունները կհամարվեն հարգելի: