«Վարչապետի ընկալումները ոչնչով չեն տարբերվում Շմայսի ընկալումներից». Դավիթ Խաժակյան

Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան իր էջում գրել է․ «Վարչապետի ելույթը գալիս է փաստելու, որ Հայաստանում հաստատվել է անպատժելի բռնության մշակույթ, որը փոխարինել է քաղաքական բանավեճը:

Վարչապետի ելույթը փաստում է, որ իր ընկալումները ոչնչով չեն տարբերվում Շմայսի ընկալումներից: Իր ելույթը փաստում է, որ իր արժեհամակարգը չի՛ տարբերվում Մարուքյանին թիկունքից հարվածած պատգամավորների արժեհամակարգից:

Այս իշխանությունները քաղաքական մշակույթին հասցրած վնասներից բացի հասցրել են ամենամեծ վնասը՝ բարոյական վնաս՝ արժեզրկելով ինստիտուտները:

Գյադաների Ժամանակներ են, և դա կավարտվի այս իշխանության հեռանալով»: