«Սեփական անադեկվատությունը չարժե զարգացած երկրների փորձով արդարացնել». Տիգրան Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Ալեն Սիմոնյանին ասեք, որ Մեծ Բրիտանիայի խորհրդարանում վերջին անգամ 1923 թվականին է ծեծկռտուք եղել: Սեփական անադեկվատությունը չարժե զարգացած երկրների փորձով արդարացնել:

Մեծ Բրիտանիայի պառլամենտում անկողմնակալ խոսնակներ են լինում (խոսնակ ընտրվելուց հետո անկուսակցական են դառնում), ովքեր խորհրդարանական բառապաշարից մի միլիմետր շեղվող պատգամավորներին կամ ստիպում են ներողություն խնդրել, կամ վռնդում են դահլիճից:

Ի դեպ, Մեծ Բրիտանիայի խորհրդարանում պատգամավորներն իրենց ընդդիմախոսներին նույնիսկ իրավունք չունեն ստախոս անվանելու: 1906 թվականին Չերչիլն իր ընդդիմախոսին ստախոսության մեջ մեղադրելու համար ստիպված է եղել խորամանկության դիմել և օգտագործել terminological inexactitude (տերմինաբանական անճշտություն) արտահայտությունը, որն էլ կիրառվում է մինչ այսօր տարբեր պատգամավորների կողմից, երբ նրանք ցանկանում են իրենց գործընկերներին ստախոս անվանել»: