Մոսկվայում մեկնարկել է Հայրենական մեծ պատերազմում տարած հաղթանակի 75-ամյակին նվիրված ավիաշքերթը

Մայիսի 9-ին Ռուսաստանում Հայրենական մեծ պատերազմում տարած Հաղթանակի 75-ամյակին նվիրված միջոցառումները կանցկացվեն մի փոքր անսովոր ձևաչափով․ կլինի միայն ավիաշքերթի մասը։ ՌԴ պաշտպանության նախարարության տվյալներով՝ Ռուսաստանի ամբողջ տարածքում անցկացվող ավիաշքերթներին կմասնակցի 597 ինքնաթիռ և ուղղաթիռ։ Մոսկվայի երկնքում կլինեն Ми-8, Ми-35, Ми-28 և Ка-52 ուղղաթիռները, Ми-26 գերհզոր տրանսպորտային ուղղաթիռը, Су-35С, Су-30СМ, МиГ-29 կործանիչները, Су-24 և Су-34 գրոհային ինքնաթիռները: Երկինք կբարձրանան նաև հեռահար և ռազմական տրանսպորտային ինքնաթիռները, ինչպես նաև A-50 հեռահար ռադիոտեղորոշման և հետախուզական ինքնաթիռները, МиГ-31К կործանիչը, որը զինված է «Кинжал» գերձայնային հրթիռային համակարգով: