Երկուշաբթի, 20 ապրիլի, 2026 թ.
|
Ստեփանակերտում`   +8 °C

Մակունցը նշեց «Իմ քայլի» 3 պատգամավորների մանդատը վայր դնելու պայմանը

Մակունցը նշեց «Իմ քայլի» 3 պատգամավորների մանդատը վայր դնելու պայմանը
476
Երկուշաբթի, 11 մայիսի, 2020 թ., 16:10

ԱԺ «Իմ քայլը» խմբակցության ղեկավար Լիլիթ Մակունցն այսօր նիստի ժամանակ անդրադարձավ օրերս ԱԺ-ում տեղի ունեցած ծեծկռտուքին։

Նա հիշեց նաև 7-րդ գումարման ԱԺ նիստերի ժամանակ արձանագրված մի շարք աղմկահարույց միջադեպեր, որոնց մասնակցություն էր ունեցել «Լուսավոր Հայաստան» խմբակցության ղեկավար Էդմոն Մարուքյանը:

«Այս ամենը հարթելու և այլևս նման բաներ թույլ չտալու համար, սա պետք է ունենա քաղաքական հետևանք: Այդ հետևանքի մասին այսօր հայտարարություն արեց Սասուն Միքայելյանը: Միքայելյանը վայր կդնի իր մանդատը, եթե այդպես վարվի նաև Էդմոն Մարուքյանը: Ավելին՝ իրենց մանդատները պատրաստ են վայր դնել նաև «Իմ քայլից» Արտակ Մանուկյանը և Վահե Ղալումյանը՝ պայմանով, որ միաժամանակ վայր կդնեն իրենց մանդատները ԼՀԿ-ից Հրանտ Այվազյանը և Սարգիս Ալեքսանյանը: Սա է մեր դիրքորոշումը»,- ասաց Լիլիթ Մակունցը: