«Իմ ակնկալիքը քաղաքական է»․ Էդմոն Մարուքյանը ՀՔԾ-ում բացատրություն է տվել

«Իմ ակնկալիքը քաղաքական է, եթե չի դատապարտվում քաղաքական մակարդակում, դա կարող է կրկնվել, և ամեն մի պատգամավոր ելույթից առաջ կարող է մտածել, որ իր կարծիքի, հայտարարությունների համար բռնության կենթարկվի»,- լրագրողների հետ զրույցում՝ ներկայացնելով, թե ինչ զրույց է ունեցել ՀՔԾ-ում, ասաց ԼՀԿ ղեկավար Էդմոն Մարուքյանը:

Մանդատները վայր դնելու հարցին էլ արձագանքեց. «Ուզում են ընդդիմությունը մանդատները վայր դնի, որ ի՞նչ անեն, երկիրը բռնապետությո՞ւն են ուզում դարձնել, պահանջել ծեծ կերած մարդկանցից՝ մանդատ դնել, ես չգիտեմ, երևի Հյուսիսային Կորեայում էլ չկա նման բան: Դա ամբողջատիրական մտածողության հարց է, ինչի մեջ այսօր մեր իշխանություններն են»,- ամփոփեց Էդմոն Մարուքյանը:

Հիշեցնենք՝ ԼՀԿ ղեկավարը հրավիրվել էր ՀՔԾ՝ ԱԺ միջադեպի հարցով բացատրություն տալու: Նա նաև նշեց, որ դատաբժշկական փորձաքննություն է նշանակվել: