«Եթե կա անարդարություն, դրանում մեղավոր են գործատուները». Նիկոլ Փաշինյան

«Մեր հակաճգնաժամային միջոցառումների ժամանակ առավել մեծ օգնություն են ստացել այն քաղաքացիներն ու տնտեսվարողները, որոնք իրենց շրջանառությունն արձանագրել են ՀԴՄ կտրոնով».- այսօր ասուլիսի ժամանակ կառավարության 100 փաստերը ներկայացնելիս ասաց ՀՀ վարչապետ Նիկոլ Փաշինյանը:

Անդրադառնալով չգրանցված աշխատաողների խնդրին՝ Փաշինյանը հայտարարեց. «Գրանցված աշխատողներն անգամներով ավելի շատ աջակցություն ստացան, քան՝ չգրանցվածները: Ոմանք պնդում են՝ գուցե այստեղ անարդարություն կա, գիտե՞ք, չգրանցված աշխատողին հնարավոր չէ նույնականացնել իր հասցեով և հեռախոսահամարով, որ օգնություն տրամադրենք: Դրա համար մենք ծրագրեր մտածեցինք երեխաների միջոցով աջակցել նրանց: Այս ընթացքում կոչ ենք արել, որ տնտեսվարողները գրանցեն իրեն աշխատողներին: Եթե նույնիսկ այդտեղ կա անարդարություն, դրանում մեղավոր են այն գործատուները, ովքեր չեն գրանցել իրենց աշխատողներին: Կոչ եմ անում դադարեցնել այդ գործառույթը»: