«Ինչի Ղարաբաղի հարցը կարող է լուծվել մի մարդու քմահաճույքո՞վ, էդ ո՞վ ա էդ մարդը». վարչապետ

ՀՀ վարչապետն առցանց ասուլիսի ժամանակ անդրադառնալով Արցախյան հարցի կարգավորման խնդրին, ասաց. «Մարդիկ հարց են տալիս՝ իսկ կարո՞ղ ա ՀՀ կառավարությունը կամ վարչապետը Արցախի հարցում ոչ հայանպաստ լուծման գնան: Էդ հարցը դուք ինձ չեք տալիս, էդ հարցը դուք ձեզ եք տալիս. իսկ դուք կարո՞ղ եք համաձայնել Արցախի հարցի ոչ հայանպաստ լուծմանը: Ի տարբերություն նախկին մի շարք դեպքերի՝ էսօր բանակցային սեղանի շուրջ նստած անձը ներկայացնում է Հայաստանի ժողովրդին: Ժողովրդին ներկայացնելով՝ այդ անձն ասում է՝ եթե կլինի այնպիսի լուծում, որին «ոչ» ասելը ռացիոնալ չի լինի, էդ ժամանակ էլի կգանք ժողովրդի հետ խորհրդակցելու: Ինչի Ղարաբաղի հարցը կարող է լուծվել մի մարդու քմահաճույքո՞վ, էդ ո՞վ ա էդ մարդը: Մենք կաշկանդված չենք լինելու բանակցային սեղանի շուրջ»: