«Պարետատունն ունի՞ ազդեցության գործուն լծակներ». Նարինե Դիլբարյան

«Ժառանգություն» կուսակցության նախագահ Նարինե Դիլբարյանը ֆեյսբուքյան իր էջում գրել է. ««Մայիսի 18-ին հաստատվել է 351 նոր դեպք, առողջացել են 94-ը, 1 մահվան դեպք է արձանագրվել»,- այս վիճակագրությունը նախորդների հետ համեմատության համապատկերում, շատ լուրջ հարցեր է առաջացնում, ի՞նչ օգուտ ձևական դրված դիմակներից, կարծես միայն վնաս, ախտահանիչ նյութերից, որոնք դարձյալ անբավարար են կիրառվում, սոցիալական հեռավորության սահմանումից, որը գրեթե արհամարհված է, պարետատունը ունի՞ իրական վիճակագրական պատկերը հանրապետությունում առկա վիճակի, բնակչության քանի՞ տոկոսն է ոչ թե ձևականորեն, այլ իրոք հետևում ցուցումներին, և ի՞նչ վիճակում կհայտնվեն մեր բուժհիմնարկները և մեկուսացման վայրերը, եթե այսպես շարունակաբար վարակված կամ հիվանդացած մարդկանց թվերը լինեն 200-300-ի աճող միջակայքում, հետո 400 և ... ՀՀ պարետատունն, ի վերջո, ունի՞ ազդեցության գործուն լծակներ...»: