«Ես չգիտեմ, որ Սամվել Ալեքսանյանն ինձ օգնել է, հետևաբար կարող եմ ասել, որ չի օգնել». Հրաչյա Հակոբյան

«Ազատություն» եթերում պատասխանելով ֆեյսբուքյան օգտատիրոջ հարցին, թե արդյոք Ճի՞շտ է, որ հայտնի գործարար Սամվել Ալեքսանյանը Ձեզ ընտրությունների ժամանակ աջակցել է, ԱԺ «Իմ քայլը» խմբակցության պատգամավոր Հրաչյա Հակոբյանն ասել է. «Երբ նա և ես պատգամավոր էինք, ծանոթացել ենք, շփվել ենք, զրուցել ենք քաղաքապետարանի հետ կապված ինչ-որ գործով, գործնական էին շփումները։ Հետո էլ չեմ տեսել»,-ասել է պատգամավորը։ Նա նշել է, գործարարին վերջին անգամ ԱԺ ընտրություններից առաջ է տեսել․ «Ես չգիտեմ, որ ինձ օգնել է, հետևաբար կարող եմ ասել, որ չի օգնել»,- վստահեցրել է Հ. Հակոբյանը։