Հնդկաստանում կապիկները գողացել են կորոնավիրուսով հիվանդների արյան նմուշները

Հնդկաստանի Ութար Պրադեշ նահանգում կապիկների խումբը հարձակվել է լաբորատորիայի աշխատակցի վրա, ու նրանից գողացել կորոնավիրուսով հիվանդների արյան նմուշներով սրվակները: Ընդհանուր առմամբ՝ կապիկները հափշտակել են 3 սրվակ: Հրապարակված տեսանյութում երևում է՝ ինչպես է կապիկներից մեկը ծառի վրա նստած՝ կրծում սրվակը:

Հայտնի չէ՝ արդյոք կապիկները թափել են արյունը, բայց տեղի բնակիչներն արդեն վախենում են, որ կապիկներն այն կարող են բերել իրենց տները:

Առայժմ, սակայն, ոչ մի ապացույց չկա, որ կապիկները կարող են վարակվել կորոնավիրուսով ու վարակել մարդկանց: