«Հույս ունենք՝ նման անհրաժեշտություն չի ծագի»․ ՀՀ վարչապետ

Վրաստանի հիվանդությունների վերահսկման ազգային կենտրոնն իր իրավասությունների շրջանակում, պատրաստ է օգնել Հայաստանին, եթե դրա կարիքը լինի, այս մասին հայտնել էր հիվանդությունների վերահսկման ազգային կենտրոնի տնօրեն Ամիրան Գամկղրելիձեն:

Այսօրվա ճեպազրույցի ժամանակ արձագանքելով Գամկղրելիձեի առաջարկին՝ ՀՀ վարչապետ Ն․ Փաշինյանն ասաց․ «Կորոնավիրուսի առաջին օրվանից սերտորեն համագործակցում ենք Վրաստանի կառավարության հետ ու այն արդյունավետ ենք համարում․ Վրաստանը եղբայրական երկիր է։ Եթե նման անհրաժեշտություն ծագի, կարող են լինել քայլեր, բայց հույս ունենք՝ նման անհրաժեշտություն չի ծագի»։