«Ինչպե՞ս են քաղաքական ուժերը պատմության մեջ մնալու համավարակից հետո»․ Գրիգոր Երիցյան
384 Կիրակի, 07 հունիսի, 2020 թ., 03:25 Երևանի ավագանու «Իմ քայլը» խմբակցության անդամ Գրիգոր Երիցյանը ֆեյսբուքյան իր էջում գրել է․ «Ճգնաժամերի ժամանակ առանցքային է ընդդիմության դերը, իսկ այս ճգնաժամն ամենամեծն է երկրորդ համաշխարհային պատերազմից հետո: Ֆրանսիայում նախագահ Մակրոնի ուղերձից հետո մի քանի օրում քաղաքական դաշտը համախմբվեց՝ կենտրոնանալով ճգնաժամի վրա և մի կողմ թողնելով քաղաքական հակասությունները: Պորտուգալիան վիրուսի դեմ պայքարի եվրոպական լավագույն օրինակներից է: Լինելով վարակակիրների թվով առաջատար Իսպանիայի հարևանը, լինելով Եվրոպայում 80-ից բարձր բնակչությամբ 3-րդ երկիրը և չունենալով զարգացած առողջապահական ենթակառուցվածքներ, Պորտուգալիան պատվով դուրս եկավ ճգնաժամից, քանի որ ի տարբերություն Իտալիայի և Իսպանիայի՝ Պորտուգալիայի կառավարությունը ստիպված չէր միաժամանակ պայքարել վիրուսի և ընդդիմության դեստրուկտիվ գործողությունների դեմ: Կանադայում ընդդիմադիր կուսակցությունները հայտարարել են, որ ճգնաժամը պետք է բացառի կուսակցականությունը և այն հնարավոր է հաղթահարել միայն միասնականության շնորհիվ: Հնդկաստանում թվով 22 ընդդիմադիր կուսակցություններ հայտնել են իրենց մտահոգությունը կառավարության ճգնաժամային կառավարման մասին, բայց միավորվել են՝ առաջարկելով կառավարությանը համատեղ աշխատել համավարակի հաղթահարման ուղղությամբ: Հոնկոնգում ընդդիմությունը դադարեցրել է երկարատև և զանգվածային ցույցերը՝ չնայած կառավարության նկատմամբ բարձր անվստահությանը, ինչի արդյունքում լինելով Չինաստանին այդքան մոտ՝ երկրում կա ընդամենը 1000 վարակակիր, իսկ ասօր ավելացել է 3 վարակակիր: Սինգապուրում կա 40.000 վարակակիր և թիվն աճում է ամեն օր, ուստի ընդդիմադիր կուսակցությունները միացել են կառավարության ջանքերին և միասին պայքարում են վարակի դեմ: Վենեսուելայի կառավարությունը, որտեղ երկարատև քաղաքական ճգնաժամ է, համաձայնագիր է ստորագրել ընդդիմության կողմից ղեկավարվող պառլամենտի հետ՝ համաճարակի դեմ պայքարելու համար: Թուրքիայի ընդդիմադիր կուսակցությունները հայտարարել են, որ ժամանակավորապես մի կողմ են դնում տարաձայնությունները և պատրաստ են աջակցել վարակի դեմ պայքարին: Հարավային Աֆրիկայում իշխող և ընդդիմադիր 14 կուսակցություններ աշխատում են միասին՝ չեզոքացնելու ճգնաժամի հետևանքները և մի կողմ են դրել քաղաքական շահերը: Ավստրալիայում ճգնաժամը հանգեցրել է բացառիկ միասնականության իշխանությունների և ընդդիմության միջև: Նման համագործակցություն քաղաքական հակառակորդների միջև ավստրալացիները վաղուց չէին տեսել: Արդյո՞ք հնարավոր չէ Հայաստանում ևս մի կողմ թողնել բոլոր քաղաքական տարաձայնությունները և համախմբվել մի նպատակի շուրջ: Արդյո՞ք սա կառավարության դեմ համախմբման կոչերի լավագույն ժամանակն է: Ինչպե՞ս են քաղաքական ուժերը պատմության մեջ մնալու համավարակից հետո: Արդյո՞ք իշխանության համար պայքարը մարդկային կյանքերից ավելի կարևոր է»: |
Ինչպես են այս տարի նշելու Քաղաքացու օրը. «Հրապարակ»
5408:48Կեսօրից հետո հնարավոր է կարճատև անձրև և ամպրոպ (լուսանկար)
7008:24«Իրանական կողմն սպառնացել է Բաքվին». իրանագետ
14202:00ԱՄՆ-ն և Իսրայելը համաձայնության են եկել Ռաֆահում «Համաս»-ը ոչնչացնելու «ընդհանուր նպատակի շուրջ»
31301:18«Մոսկվան որոշակի զիջումներ կամ խոստումներ է ստացել». Դավիթ Անանյան
13100:30«Դրանց դատավարությունը լինելու է ժողովրդի կողմից». Նաիրի Հոխիկյան
142Երեկ, 22:36Դատարանը մերժել է Տոնոյանին կալանքից ազատելու հերթական միջնորդությունը
96Երեկ, 22:06«Պարոն Ղազարյանի հրավերն ընդունված է». Եսայի քահանա Արթենյան
130Երեկ, 21:30