«Հույս ունեմ՝ չեն սահմանափակվի միայն Խնձորեսկ-Իշխանաձոր-Հադրութ ճանապարհով». Հայկ Խանումյան

Արցախի «Ազգային վերածնունդ» կուսակցության նախագահ Հայկ Խանումյանը ֆեյսբուքյան իր էջում գրել է. «Սյունիքի մարզը Քաշաթաղով Հադրութին կապող ճանապարհը ՀՀ իշխանությունների՝ Արցախի ուղղությամբ կատարվող կարևոր քայլերից է։ Արցախը կենսական նշանակության ճանապարհների կարիք ունի, որոնց կառուցելն առանց ՀՀ անմիջական մասնակցության երկար տարիներ կտևեր։ Հույս ունեմ՝ չեն սահմանափակվի միայն Խնձորեսկ-Իշխանաձոր-Հադրութ ճանապարհով և ամեն տարի գումար կգտնեն նաև մյուս ուղղությունների համար։ Միևնույն ժամանակ անհրաժեշտ է Արցախի բյուջեում կտրուկ մեծացնել կապիտալ ծախսերը՝ հատկապես մայրուղիների կառուցմանն ու հիմնանորոգմանն ուղղված գումարները։ Երկու կառավարությունները պետք է մտածեն նաև այդ ճանապարհների շուրջ գտնվող բնակավայրերում բնակֆոնդի ստեղծման խրախուսման, ինչպես նաև նոր բնակավայրերի հիմնադրման մասին»: