«Վերջապես պիտի հասկանան, որ օրենքի առաջ բոլորը հավասար են». Տիգրան Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Արտակ Դավթյանին աշխատանքից ազատելը կարևոր որոշում է։ Եթե երեկվա միջադեպից հետո նա շարունակեր զբաղեցնել իր պաշտոնը, ապա պարետատան հակահամաճարակային բոլոր միջոցառումները անիմաստ կլինեին։ Այս երկրում մարդիկ վերջապես պիտի հասկանան, որ օրենքի առաջ բոլորը հավասար են՝ անկախ զբաղեցրած պաշտոնից։

Ի դեպ, վերջերս նմանատիպ մի միջադեպ տեղի էր ունեցել նաև Մեծ Բրիտանիայում։ Բորիս Ջոնսոնի խորհրդական Դոմինիք Քամինգսը (Նա նաև Բրէքսիթի գլխավոր քաղտեխնոլոգն էր) խախտել էր սահմանված կանոնները և մեծ սկանդալի պատճառ դարձել։ Ջոնսոնը Քամինգսին աշխատանքից այդպես էլ չազատեց, ինչն զգալիորեն բարձրացրեց կառավարության կողմից իրականացվող միջոցառումների նկատմամբ անվստահության մակարդակը»: