ՄԻՊ-ը՝ բժշկական օգնության ուշացման պատճառով մահվան երկու դեպքի մասին

ՀՀ Մարդու իրավունքների պաշտպան Արման Թաթոյանն այսօր Ազգային ժողովում անդրադարձավ վարչապետի հայտարարությանը, երբ բժշկական օգնության ուշացման պատճառով երկու մարդ էր մահացել կորոնավիրուսից։

ԱԺ մարդու իրավունքների և հանրային հարցերի մշտական հանձնաժողովի նախագահ Նաիրա Զոհրաբյանի հարցին, թե քրգործ կհարուցվի՞՝ պարզելու համար մեղավորներին, Թաթոյանն ասաց. «Որպեսզի քրեական վարույթ հարուցելու հարցը լուծվի, անհրաժեշտ է հասկանալ, թե կոնկրետ գործի հանգամանքները, այս կամ այն դեպքն ի՞նչ պատճառով է եղել: Մենք հիմա սպասում ենք գրությամբ այդ հարցը բարձրացնելուն: Սպասում ենք նաև պարզաբանումների, որպեսզի մոնիթորինգի միջոցով հասկանանք մեր հետագա գործողությունները: Այս պահին իմ կողմից ժամանակավրեպ կլինի քրեական վարույթի մասին խոսելը և իրավասության ծավալի առումով առնվազն ճիշտ չի լինի, որպեսզի ես հիմա կանխակալ գնահատականներ հնչեցնեմ»: