«Մոսկվան թույլատրում է տարածքը լքել»․ ՔԿ նախագահը՝ Ռուբեն Հայրապետյանի մասին

«Հայտնի է, որ այդ գործով մենք ունենք ներգրավված մեղադրյալ, որոնց մի մասը հետախուզման մեջ է, մյուս մասը՝ ոչ։ Մենք մեր հերթին կազմակերպել էինք հնարավոր աջակցությունը դեսպանատան միջոցով, դեսպանի միջոցով Հայաստան ներկայանալու հարցում օժանդակելու համար։ Մենք նաև քննության ընթացքում ի հայտ բերեցինք Մոսկվայի քաղաքապետի մի հրաման, որը սահմանափակումների ընթացքում թույլ էր տալիս անձանց քրեական հետապնդման մարմիններ ներկայանալու համար տան տարածքը լքել»,- անդրադառնալով ՀՖՖ նախկին նախագահ Ռուբեն Հայրապետյանի վերաբերյալ քրեական գործին և նրա՝ Հայաստանից բացակայելու հարցին, լրագրողների հետ զրույցում ասել է ՔԿ նախագահ Հայկ Գրիգորյանը։

Հարցին՝ իշխանության կողմից ստացե՞լ են հանձնարարություն, որ նախկին իշխանությունների հետ փոխկապակցված անձանց մի քիչ «նեղություն» տան, Գրիգորյանը պատասխանել է․ «Երբևէ նման հանձնարարություն չի եղել. «2018 թվականից ի վեր շուրջ 150 հոգի ազատվել է, այդքան էլ ընդունվել է՝ ոչ քաղաքական նպատակներով»։