Ադրբեջանի նախագահի աշխատակազմի 19 աշխատակից վարակվել է կորոնավիրուսով

948

Չորեքշաբթի, 10 հունիսի, 2020 թ., 15:15

Ադրբեջանի նախագահի աշխատակազմի 19 աշխատակից վարակվել է կորոնավիրուսով, ևս 5 մարդ վարակվել է արտակարգ իրավիճակների նախարարությունում։ Այս մասին հայտնել է Ռամին Բայրամլին: TƏBİB-ի ներկայացուցիչն ասել է, որ նախկինում վարակվածության մակարդակը Բաքվում եղել է 43-46%-ի սահմաններում, այժմ կազմում է ավելի քան 50%:

«Վարակվածների թվին զուգահեռ ավելացել են ծանր դեպքերի և մահվան ցուցանիշները: Մայիսի 18-ից 25-ը գրանցվել է վարակման 848 դեպք, ապաքինվել է 592 մարդ, մահացել 10 հիվանդ: Մայիսի 25-ից մայիսի 31-ը վարակվել է 1 372 մարդ, ապաքինվել է 821-ը, մահացել՝ 14-ը: Հունիսի 1-ից 7-ը 2 059 մարդ է հիվանդացել, ապաքինվել՝ 721 հիվանդ, մահացել՝ 25-ը»,- նշել է Բայրամլին:

Մինչ այժմ Ադրբեջանում գրանցվել է կորոնավիրուսի 8 191 դեպք, մահացել է 98 մարդ, ապաքինվել՝ 4 606-ը։