«Սա ազգային անվտանգության սպառնալիք է». Արթուր Վանեցյան

«Երկիր մեդիա» հեռուստաընկերության եթերում անդրադառնալով Արգիշտի Քյարամյանի՝ ԱԱԾ տնօրեն նշանակվելու փաստին՝ «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանն ասել է. «Արգիշտի Քյարամյանին Ազգային անվտանգության ծառայության տնօրեն նշանակելն իրական ազգային անվտանգության սպառնալիք է․ մարդ, որը չունի կառավարման փորձ, որը չունի ազգային անվտանգության մարմիններում աշխատելու փորձ, տիրապետելու է շատ մեծ տեղեկատվության, պետք է արագ և օպերատիվ որոշումներ կայացնի տարբեր հարցերով։ Իսկ ազգային անվտանգությունը միայն տնտեսական և կոռուպցիոն բնույթի դեմ պայքարը չէ։ Այո՛, մարդիկ կարող են տնտեսական և կոռուպցիոն բնույթի հանցագործությունների դեմ պայքարել, բայց Ազգային անվտանգության ծառայությունն ունի ավելի լուրջ խնդիրներ՝ հետախուզությունն է, հակահետախուզությունն է։ Իսկ նման աշխատանք կատարելու համար պետք է ունենալ երկարամյա փորձ»։

Մանրամասները՝ տեսանյութում: