«Ուրիշ ի՞նչ եղանակ է առաջարկում ՄԻՊ-ը»․ Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. ««Մարդու իրավունքների պաշտպանն անընդունելի է համարում նստացույց հայտարարած՝ ՀՀ Ազգային ժողովի մարդու իրավունքների և հանրային հարցերի մշտական հանձնաժողովի նախագահ Նաիրա Զոհրաբյանի և խորհրդարանի մի շարք այլ կին պատգամավորներին փողոցից հեռացնելու եղանակը»,- ասված է ՄԻՊ հայտարարության մեջ:
Եթե ոստիկանի հորդորից հետո կին պատգամավորը ըմբիշների նման կառչում է ասֆալտին, սադրանք հրահրում, գոռում-գոչում է, ոստիկանները նրանց գրկելով հեռացնում են, ուրիշ ի՞նչ եղանակ է առաջարկում ՄԻՊ-ը:
Գուցե շալակելով, կամ պատգարակո՞վ:
Ապրե՛ն ոստիկանները, ամեն ինչ իրավաչափ է:
Սա ասում է մարդ, որը իր ընկերների հետ միասին իր վրա է զգացել ռևանշիստների ռեժիմի ոստիկանների անմարդկային դաժան ճնշումները:
2004 ապրիլի 12:
Էրեբունիի ոստիկանության խոշտանգումներ կանանց և աղջիկների նկատմամբ
2008 մարտի 1:
Հյուսիսային պողոտայի նստացույցի վրա ոստիկանների պարբերական հարձակումներ:
Չշարունակեմ, երեսպաշտ շառլատաննե՛ր»։