«Էլ ի՞նչ է պետք հաստատելու համար, որ քաղաքականությունն ու բարոյականությունն անհամատեղելի են». Բ. Նավասարդյան

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է․ «Կարո՞ղ ենք Հայաստանում երբևէ իշխանության հասած քաղաքական ուժի անուն տալ, որը այս կամ այն փուլում չի համագործակցել Գագիկ Ծառուկյանի հետ: Կարո՞ղ ենք պատկերացնել, որ դրանցից որևէ մեկը նոր է իմացել «ղազագրերի», կամ ԲՀԿ առաջնորդի կենսագրության յուրահատուկ էջերի մասին: Էլ ի՞նչ է պետք հաստատելու համար, որ քաղաքականությունը (եթե առավելագույն արդյունքի է միտված) ու բարոյականությունը անհամատեղելի են... Թեպետ, իհարկե, երկրից երկիր, հասարակությունից հասարակություն անհամատեղելիության աստիճանը տարբերվում է... Բա, էլ ի՞նչն է շատերի այդ կարգի զարմանքն ու հրճվանքն առաջացրել մի քանի կտոր թուղթ հրապարակվելուց հետո»: