«Տղուս վրա բան մի սարքեք. էդ անբարոյականություն է». Գագիկ Ծառուկյան

«Էնքան, ասենք, անբարոյականություն ա, որ ինձ կանչում են, հետևից էլ տղուս են կանչում, վախացնում են: Արա՛, ձեր ցավը տանեմ, վերցրեք ձեր վրա, հարց կա՞, օրենքի առաջ բոլորը հավասար են, ցանկացած հարցով պատրաստ եմ»,- ԱԺ-ում ելույթի ժամանակ ասաց ԲՀԿ խմբակցության ղեկավար Գագիկ Ծառուկյանը:

Նա ասաց, որ որդին անմեղ է. «Տղու վրա բան չկա, բան մի՛ սարքեք, մարդ եղեք: Էդ անբարոյականություն ա: Նորից եմ ասում՝ դիմադիր, ընդդիմադիր իշխանություն, ամեն մարդ մարդկային զգացմունք պետք է ունենա: Ցանկացած խոսքիս, ասածիս տեր եմ և լինելու եմ: Ծառուկյանին հանեք, ավելի վատ ա լինելու»,- ասաց նա:

Նախնական տեղեկություններով՝ Ծառուկյանի որդին՝ Նվեր Ծառուկյանը հարցաքննություն է հրավիրվել այլ քրգործի շրջանակներում․ նա «Պարտեզ» ռեստորանի բակում տեղի ունեցած սպանության գործով վկա է։