«Քննարկվում է ամեն վարչական շրջանում մեկ բաց մանկապարտեզ թողնելու հարցը». Հայկ Մարության

«Այս պահին մանակապարտեզներ է այցելում երեխաների մոտ 6-7 տոկոսը: Ընդհանուր 30500 երեխա պետք է այցելի, սակայն այսօր 1800-1900 երեխա է այցելում»,- այսօր պարետատան նիստի ավարտից հետո տեղի ունեցած ճեպազրույցում ասել է Երևանի քաղաքապետ Հայկ Մարությանը: Նա նշել է, որ արդեն քննարկվում է բաց մանկապարտեզները կրճատելու հարցը. «Կա տարբերակ, որ ամեն վարչական շրջանում թողնենք մեկ բաց մանկապարտեզ»,- ասել է քաղաքապետը:

Խոսելով քաղաքացիների կողմից հակահամաճարակային կանոնների պահպանման մասին, ասել է, որ դիմակ կրելը մեր փրկությունն է: Մարությանը խնդրեց և կոչ արեց պարտադիր դիմակ կրել՝ ինչպես ինքը և իր ընտանիքի անդամները: