«Նախկին ԲՀԿ-ական, հիմա՝ Իմքայլական Կարեն Համբարձումյանն է․ կարծես հեչ կապ չունի ո՛չ Ծառուկյանի հետ, ո՛չ էլ «Բարգավաճի» հետ». Կարեն Մկրտչյան

Ֆեյսբուքյան օգտատեր Կարեն Մկրտչյանը սոցցանցի իր էջում գրել է. «Նկարում Կարեն Համբարձումյանն է, Իմ Քայլը խմբակցության պատգամավոր։

2006-2018 թթ. «Բարգավաճ Հայաստան» կուսակցության անդամ էր, 2011 թվականից «Բարգավաճ Հայաստան» կուսակցության քաղաքական խորհրդի անդամ։

2018 թվականի հեղափոխությունից հետո կարճ ժամանակով, դեռ որպես Բարգավաճ Հայաստանի անդամ, նշանակվեց Սյունիքի մարազպետ։

Խորհրդարանական ընտրություններից առաջ լքեց կուսակիցներին և խորհրդարան անցավ Փաշինյանի խմբի հետ միասին։

Այսօր ինքը հավես նայում է, թե ինչպես են Խորհրդարանում Բարգավաճի քաղաքական անցյալից ենթադրյալ հանցագործ դրվագներ քննարկում, կարծես թե ինքը հեչ կապ չունի ո՛չ Ծառուկյանի հետ, ո՛չ էլ Բարգավաճի։

Տիգրան Ուրիխանյանից մի երկու բան լավ կաներ սովորեր։

Այսպես է, նախկին ՀՀԿ֊ականներն ու նախկին Բարգավաճ Հայաստանի անդամները, ովքեր տաք տեղավորվել են «հեղափոխական» թիմում, կանգնում և Հռոմի Պապից Կաթոլիկ են ձևանում, իսկ Վարչապետի համար այս ամենը նորմալ է, նույնիսկ խրախուսելի։

Եղեք ինչ ուզում եք, բայց պետք չի մարդ լինելուց հրաժարվել։ Ամոթ է»։