Կարեն Կարապետյանի հետ փոխկապակցված #Adjarabet-ը շարունակում է անարգել թալանել ՀՀ քաղաքացիներին․ պատկան մարմինները լռում են

Վերջին ամսիներին MAMUL.am-ը հրապարակել է մի շարք նյութեր (1-ին նյութ, 2-րդ նյութ, 3-րդ նյութ, 4-րդ նյութ, 5-րդ նյութ), որոնցում անդրադարձել ենք քաղաքացիների դժգոհություններին և ներկայացրել, թե ինչպես է Adjarabet բուքմեյքերական ընկերությունը, առանց որևէ ծանուցման, արգելափակում օգտատերերի հաշիվները։ Այդկերպ ընկերությունը թույլ չի տալիս օգտատերերին կանխիկացնել իրենց միջոցները։ Համաձայն քաղաքացիների՝ ընկերությունը որևէ կերպ չի պարզաբանում իր գործողությունները։ Ավելին, ընկերությունն անգամ չի նշում կամ տեղեկացնում, թե ո՞րն է արգելափակումների պատճառը և ե՞րբ կարող են կանխիկացնել իրենց միջոցները։
Օրերս նմանատիպ դժգոհություններով խմբագրություն են դիմել քաղաքացիներ Ա․ Արզումանյանը, Ռ․ Հարությունյանը, Դ․ Մխիթարյանը, Ռ․ Հարությունյանը և տեղեկացրել, որ Adjarabet-ն արգելափակել է իրենց անձնական հաշիվները, չի պատասխանում նամակներին ու զանգերին․ «Մեկ շաբաթից ավելի՝ գրում ենք իրենց, պահանջում արգելաբացել իմ հաշիվը և պարզաբանել, թե ինչո՞ւ են արգելափակել․․․․։ Ոչ մի պատասխան չենք ստանում։ Անգամ չեն տեղեկացնում, թե ե՞րբ կպատասխանեն»։ Հատկանշական է, որ վերոնշյալ քաղաքացիներն ուղարկել են նաև իրենց հաշիվների լուսապատկերները, որոնցում երևում է, որ հաշիվներին առկա է բավական նկատելի շահած գումար։ Ստացվում է, որ Adjarabet-ը խոչընդոտում է շահում ունեցող քաղաքացիներին ելքագրել իրենց միջոցները։

Հրավիրում ենք պատկան մարմինների ուշադրությունը։

ՈՒՇԱԴՐՈՒԹՅՈՒՆ

Հարգելի ընթերցող, եթե Դուք ևս առնչվել եք նման խնդրի այս կամ այլ ընկերության կողմից, խնդրում ենք գրել նամակ։ Տեղեկությունների տրամադրող անձի գաղտնիությունն ապահովվում է։