«Կորոնավիրուսն ինտենսիվորեն սկսել է շարժվել նաև հեռավոր բնակավայրեր». Սրբուհի Գրիգորյան

ԼՀԿ պատգամավոր Սրբուհի Գրիգորյանը ֆեյսբուքյան իր էջում գրել է. «Եղանակների տաքացմանը զուգահեռ կորոնավիրուսն ինտենսիվորեն սկսել է շարժվել նաև հեռավոր բնակավայրեր։

Կոչ եմ անում պարետատանը ոստիկանական անցակետեր դնել, արձանագրել յուրաքանչյուր քաղաքացու մուտքը։

Համագործակցել համայնքապետարանների հետ։ Օրինակ՝ այսպես. համայնքներ մուտք գործած քաղաքացիների ցանկը տալ համայնքների ղեկավարներին։

Համայնքների ղեկավարները տեղեկատվությունը կարող են փոխանցել բնակավայրերի ղեկավարներին։ Անհրաժեշտ է հետևել այդ քաղաքացիների ինքնամեկուսացմանը։

Սիրելիʹ քաղաքացիներ, վարակը հեռավոր բնակավայրեր հասնում է հիմնականում մայրաքաղաքից։ Ձեր հարազատներին, ծանոթներին այցելեք միայն անհապաղ անհրաժեշտության դեպքում։ Միʹ վտանգեք նրանց և հեռավոր բնակավայրերում ապրող տարեցների կյանքը...»: