Դատարանը հրապարակում է Գագիկ Ծառուկյանի կալանքի միջնորդության վերաբերյալ որոշումը․ ՈՒՂԻՂ ՄԻԱՑՈՒՄ

694

Կիրակի, 21 հունիսի, 2020 թ., 14:55

Ինչպես հայտնել էինք, Երևանի ընդհանուր իրավասության դատարանի Շենգավիթի նստավայրում՝ նախագահությամբ Ռոբերտ Պապոյանի, ավարտվել է ԲՀԿ առաջնորդ Գագիկ Ծառուկյանի կալանքի միջնորդության քննությունը։ Ուրբաթ դատարանը գնացել էր խորհրդակցական սենյակ՝ որոշում կայացնելու։ Այժմ կհրապարակվի դատարանի որոշումը։

Հիշեցնենք՝ Ազգային անվտանգության ծառայությունը (ԱԱԾ) միջնորդություն էր ներկայացրել Երևանի ընդհանուր իրավասության դատարան ԲՀԿ ղեկավար Գագիկ Ծառուկյանին կալանավորելու վերաբերյալ։

Ծառուկյանը մեղադրվում է Քրեական օրենսգրքի 154.2 հոդվածով՝ ընտրողի կողմից թեկնածուներից, կուսակցություններից (կուսակցությունների դաշինքներից), հանրաքվեի քարոզչական նախաձեռնություններից կաշառք ստանալը կամ թեկնածուների, կուսակցությունների (կուսակցությունների դաշինքների), հանրաքվեի քարոզչական նախաձեռնությունների կողմից ընտրողներին կաշառք տալը կամ ընտրողի ազատ կամքի իրականացմանը խոչընդոտելը

ԲՀԿ ղեկավարն իրեն առաջադրված մեղադրանքը չի ընդունում և այն որակում է շինծու գործ։