Սևանի հոգեբուժարանը խախտում է իր աշխատակիցների աշխատանքային իրավունքները

Օրերս MAMUL.am-ի խմբագրություն են դիմել Սևանի հոգեբուժական հիվանդանոցի մի խումբ աշխատակիցներ և տեղեկացրել, որ խախտվում են իրենց աշխատանքային իրավունքները։ Համաձայն վերջինների տրամադրած տեղեկությունների, հիվանդանոցի 150 հոգանոց աշխատակազմին ղեկավարությունն ուղարկել է հարկադիր պարապուրդի և օրենքի խախտմամբ վճարում է աշխատավարձի միայն 50%-ը․ «Կորոնավիրուսի վարակի տարածման ժամանակ մեր աշխատակազմին, առանց մեր կարծիքը հարցնելու, ուղարկել են պարտադիր պարապուրդի, որից հետո մեզ վճարում են մեր աշխատավարձի 50%-ը, այնինչ ՀՀ աշխատանքային օրենսգրքի պարտադիր պարապուրդի ժամանակ մեզ պետք է վճարեն 100%: Մենք հայտնվել ենք անելանելի վիճակում, մեր հարցերին ոչ ոք չի պատասխանում»։