«Այն, որ դանդաղ են տեղի ունենում նիստերը, շատ վատ է»․ Դավիթ Սանասարյանի գործով դատական նիստը հետաձգվեց

Երևանի ընդհանուր իրավասության դատարանի Շենգավիթի նստավայրում Պետական վերահսկողական ծառայության պետ (լիազորությունները ժամանակավորապես կասեցված են) Դավիթ Սանասարյանի և ՊՎԾ նախկին աշխատակիցների գործով դատաքննությունը հետաձգվեց՝ պաշտպաններից մեկի ուշանալու պատճառով։ Այսօրվա նիստին պետք է ներկայացվեր վկաներին հարցաքննելու հաջորդականությունը։

«Այն, որ դանդաղ են տեղի ունենում նիստերը, շատ վատ է»,- լրագրողների հետ զրույցում ասաց Դավիթ Սանասարյանը։

Հաջորդ նիստը նշանակվեց օգոստոսի 10-ին՝ ժամը 10:30-ին։