«Ես փողոցից չեմ եկել էս շենք»․ ՍԴ անդամ Ֆելիքս Թոխյան

«Չի կարելի իրիկունը քնել, առավոտը զարթնել, ասել՝ դու էլ դատավոր չես․․․ Ես փողոցից չեմ եկել էս շենք։ Էս շենք ես 97-ին եմ եկել՝ ԱԺ ընտրությամբ։ 2005-ին իմ ժողովուրդը հաստատել է՝ որ Թոխյա՛ն, դու կարող ես շարունակել էն նույն պայմանով, ինչով 97 թվին քեզ նշանակել են, իսկ պայմանը պարզ է եղել՝ բոլորս մինչև 70 տարի։ 2015-ին ժողովուրդը նորից եկել, հանրաքվեով նույն պայմանը հաստատել է։ Թե հիմա ինչի՞ ա պառլամենտը ժողովրդի ասածն ուզում վերափոխել, իրենց հարցրեք»,- լրագրողների հետ ճեպազրույցի ժամանակ ասաց ՍԴ դատավոր Ֆելիքս Թոխյանը։

Հիշեցնենք՝ Ազգային ժողովը երեկ ընդունեց Սահմանադրության փոփոխությունների նախագիծը։ Սահմանադրության 213-րդ հոդվածի փոփոխություններն ուժի մեջ մտնելու պահից Հրայր Թովմասյանը կդադարի պաշտոնավարել որպես բարձր դատարանի նախագահ, բայց կմնա ՍԴ անդամ։ 12 տարուց ավելի պաշտոնավարած ՍԴ երեք անդամները՝ Հրանտ Նազարյանը, Ֆելիքս Թոխյանը և Ալվինա Գյուլումյանը, կուղարկվեն թոշակի։