«Ո՛չ հարգանքի, ո՛չ վստահության տեղ չեք թողում».Վահան Արծրունի

Երգիչ, երաժիշտ, կոմպոզիտոր Վահան Արծրունին սոցկայքի իր էջում գրել է. «Քանի համացանցում տարածվում էր «ԵՍ ԲՆԻԿ ԵՄ և ՍԱ ԻՄ ՔԱՂԱՔՆ Է» ֆլեշմոբը, քանի դեռ նրան միանում էին մայրաքաղաքի էությունը, սիրտը և ոգին ներկայացնող մտավորականներ, արվեստագետներ, գիտնականներ և պարզապես ազնիվ քաղաքացիներ, քանի դեռ պարոն Թունյանը հրավիրում էր մեզ՝ բնիկների շահերը ներկայացնող քաղաքացիներիս բաց քննարկման, ԱԺ-ն երկրորդ ընթերցմամբ արդեն ընդունեց այս խայտառակ օրենքը իր գնացուցակով:
Պարոն Թունյան, ինչպե՞ս սրանից հետո ձեզ հետ որևէ հարց քննարկել: Երեսպաշտությունն ու պոպուլիզմը ձեր և ձեր նմանների նշանաբանն է: Ո՛չ հարգանքի, ո՛չ վստահության տեղ չեք թողում:
Իսկ քեզ, սիրելի հանրություն, որը հակադրեց իրեն բնիկների իրավունքներին, շնորհավորում եմ: Մեր անմիաբանության և առաջնայինը երկրորդականից չտարբերելու հետևանքները կքաղեք առաջիկա տարիներին ստորև ներկայացվող գնացուցակով»: