«Ի՞նչ սկզբունքով են ընտրվել այդ լրատվամիջոցները»․ Էդմոն Մարուքյանը դիմել է ՏՄՊՊՀ նախագահին

ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում գրել է. «Տեղեկացնում եմ, հարցմամբ դիմել եմ ՀՀ ՏՄՊՊՀ նախագահ Գեղամ Գևորգյանին խնդրելով՝

1) տրամադրել զանգվածային լրատվության այն միջոցների ցանկը, ում հանձնաժողովի կողմից ուղարկվել է հարցաշար՝ իրենց կողմից տրամադրվող գովազդային և այլ ծառայությունների վերաբերյալ՝ պահանջելով ներկայացնել մեկ տարվա ընթացքում երբևէ գովազդ տրամադրած կազմակերպությունների ցանկը, «Google Analytics»-ի դիտումների տվյալները.

2) հայտնել, թե ինչ սկզբունքով են ընտրվել այդ լրատվամիջոցները.

3) պարզաբանել այդ ուսումնասիրության նպատակ(ներ)ը։

Հանձնաժողովի պատասխանն ստանալուն պես, այն ևս կհրապարակվի ամբողջական տեսքով»: