Շաբաթ, 08 օգոստոսի, 2020 թ.
|
Ստեփանակերտում`   +18 °C

Կինը երկվորյակներ է ունեցել՝ 10 տարվա տարբերությամբ

Կինը երկվորյակներ է ունեցել՝ 10 տարվա տարբերությամբ
257
Կիրակի, 12 հուլիսի, 2020 թ., 22:20

Հուբեյ նահանգում ապրող Վան անունով մի չինուհի երկար տարիներ չի կարողացել մայրանալ։ Բժիշկները հայտնել են, որ միակ ելքն արտամարմնային բեղմնավորումն է։
2009թ.-ին, նույնիսկ Չինաստանի նման գերզարգացած երկրի համար, այս մեթոդը նորություն է եղել։ Սակայն Վանն այնքան է երազել փոքրիկ ունենալ, որ պատրաստ է եղել ցանկացած փորձարկումների։
Բժիշկներն ամուսիններից վերցրել են կենսանյութ և մի քանի սաղմ են աճեցրել։ Դրանցից մեկը զարգացել է և զույգը հաջողությամբ երեխա է ունեցել: Մնացած սաղմերը բժիշկները որոշել են սառեցնել։
10 տարի անց ամուսինները կրկին դիմել են բժշկական կենտրոն՝ որոշելով, որ իրենց որդուն եղբայր է հարկավոր։
41-ամյա Վանին կրկնակի արտամարմնային բեղմնավորում են արել։ Այս պատմության մեջ ամենազարմանալին այն է, որ նոր կենսունակ սաղմը նույնական է եղել 10 տարի առաջ կնոջ օրգանիզմում զարգացած սաղմի հետ։ Այսպիսով, նրանց երկրորդ երեխան առաջինի նմանակն է դարձել, ստացվել է՝ եղբայրները երկվորյակներ են՝ 10 տարվա տարիքային տարբերությամբ։
Երկու տղաներն էլ մեծանում են առողջ՝ շնորհիվ ժամանակակից բժշկության ու գիտության: