Հայամետ կոնգրեսական Ադամ Շիֆն անրադարձել է հայ-ադրբեջանական սահմանին տիրող իրավիճակին

Հայամետ կոնգրեսական Ադամ Շիֆն անդրադարձել է հայ-ադրբեջանական սահմանին տիրող իրավիճակին և հայտարարություն տարածել։ «Ինձ շատ անհանգստացնում են վերջին օրերին Ադրբեջանի կողմից Հայաստանի սահմանի երկայնքով կատարած սադրիչ և ապակայունացնող գործողությունները, ներառյալ՝ հայ զինծառայողների գնդակոծումը: Այս գործողությունները վտանգում են զինվորների և խաղաղ բնակիչների կյանքը և մեծացնում են բախման վտանգը, որը կարող է կործանարար լինել տարածաշրջանի համար, մասնավորապես՝ գլոբալ համաճարակի ֆոնին: Այս գործողությունները պետք է դիտարկել նաև Ադրբեջանի հետևողական ռազմատենչ հռետորաբանության համատեքստում՝ Հայաստանի և Արցախի նկատմամբ, և երկրի մերժումը թույլ չի տալիս սահմանին մոնիթորինգային մեխանիզմներ տեղակայել։ Ես Պետդեպարտամենտին կոչ եմ անում բոլոր կողմերին քարոզել զսպվածություն և դիվանագիտության անհրաժեշտություն, նվազեցնել լարվածությունը»,- նշել է Շիֆը: