«Վախենո՞ւմ եք ճշմարտությունը բարձրաձայնել». Սյուզան Սիմոնյան

Նախկին ՀԽ մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Ախր ո՞ւմ եք խաբում, ինքներդ ձե՞զ, թե՞ աշխարհին։ Աշխարհը տեսնում և ծիծաղում է Ռուսաստանի ու ՀԱՊԿ-ի նկատմամբ մեր անդավաճան հավատարմության և նրանց սառը անտարբերության ու դավաճանական կեցվածքի վրա։ Ախր, մի քիչ արժանապատվություն ունեցեք, վախենո՞ւմ եք ճշմարտությունը բարձրաձայնել։ Մեր երեխեքը դեռ հողին չեն հանձնվել ու դուք դեռ համարձակություն չունեք, որ գոնե ասեք՝ այո, մեզ անտեր են թողել անտեր մեր ՏԵՐԵՐԸ։
Սա հատված է արտգործ նախարարի հարցազրույցից «Ալ Ջազիրային»։ Բա սա պատերազմի մեջ գտնվող երկրի նախարարի պատասխա՞ն է։ Դու հիմա քարը քարին չպետք է թողնեիր և պետք է ոչնչացնեիր ՀԱՊԿ-ին էլ, մյուսներին էլ։ Դուք ՀԱՊԿ-ի անդամ եք, որ ընդամենը հարցեր բարձրացնեք ու անպատասխան մնա՞ք, թե՞ որ նա ձեր անվտանգության երաշխավորը լինի։
Հարց. Լուրեր կային, որ Հայաստանը խնդրել է ՀԱՊԿ-ին՝ Հավաքական անվտանգության պայմանագրի կազմակերպությանը, որը ղեկավարում է Ռուսաստանը, հադիպել այդ հարցի շուրջ և գործողություններ ձեռնարկել, բայց որի արձագանքը, կարծես թե, ինչ-որ տեղ աղոտ էր: Ո՞րն է Հայաստանի վերաբերմունքն այդ պատասխանին:

Զոհրաբ Մնացականյան. Ես չեմ համաձայնի այդ գնահատականի հետ: Հայաստանը ՀԱՊԿ անդամ է: Դա Հավաքական անվտանգության պայմանագրի կազմակերպություն է, և մեր գործընկերների հետ մենք ակնհայտորեն բարձրացնում ենք հարցեր, որոնք վերաբերում են ՀԱՊԿ տարածքին, որի մաս է կազմում Հայաստանը: Մենք տեղեկացնում ենք մեր գործընկերներին զարգացումների վերաբերյալ և բարձրացնում ենք հարցեր, որոնք, ինչպես այս դեպքում, անհրաժեշտ ենք համարում հավաքական գործողության ներկայացման համար: Ակնհայտորեն, որպես Կազմակերպություն՝ իր կանոնադրությամբ, մենք մեր ձեռքում ունենք ողջ գործիքակազմը, սակայն մենք գնահատում ենք իրավիճակը, գնահատում ենք իրավիճակով պայմանավորված գործողությունները: Մենք կապի մեջ ենք և հետևողական երկխոսության մեջ ենք գտնվում մեր ՀԱՊԿ գործընկերների հետ»: