Կիրակի, 23 օգոստոսի, 2026 թ.
|
Ստեփանակերտում`   +30 °C

Արցախում հաստատվել է կորոնավիրուսային հիվանդության 4 նոր դեպք. նրանք նույն ընտանիքից են

Արցախում հաստատվել է կորոնավիրուսային հիվանդության 4 նոր դեպք. նրանք նույն ընտանիքից են
517
Շաբաթ, 18 հուլիսի, 2020 թ., 11:55

ԱՀ առողջապահության նախարարության տրամադրած տեղեկատվության համաձայն՝ Արցախում հաստատվել է կորոնավիրուսային հիվանդության 4 նոր դեպք: Այս մասին հայտնում են Արցախի տեղեկատվական շտաբից:

COVID-19 ով վարակված քաղաքացիները Ստեփանակերտից են, միևնույն ընտանիքի անդամներ, ովքեր նախօրոք մեկուսացված էին և կապ ունեն բռնկման հայտնի օջախներից մեկի հետ:

Կորոնավիրուսով հիվանդ քաղաքացիներից մեկն առողջացել է և լքել մեկուսացման վայրը:

Ընդհանուր առմամբ, COVID-19-ը ախտորոշվել է 167 մարդու մոտ, որից 134-ը հաղթահարել է հիվանդությունը: Փաստացի բուժում է ստանում 33, ընդհանուր մեկուսացված է 55 քաղաքացի:

COVID-19 –ի ախտորոշմամբ երկու հիվանդի առողջական վիճակը ծանր է, չորսինն էլ՝ միջին ծանրության:

Թեստավորումների նպատակով 83 նմուշառում է իրականացվել: