«Նա հնչեցրել է կրեմլամերձ շրջանակներում թևածող մտքերը». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը ֆեյսբուքյան իր էջում գրել է. «Հազար անգամ եմ ասել՝ ինչ էլ անի ներկա իշխանությունը, միևնույն է, այն անընդունելի կմնա Պուտինի համար: Ոչ թե այն պատճառով, որ ՍՍ-ի քաղաքականությունից պակաս ռուսամոլ է: Վստահաբար ոչ. միայն Սիրիա զորք ուղարկելը պուտինասիրության ամենալուրջ հայտն էր, որով գերազանցեց անգամ ՍՍ-ին:

Պուտինի համար անընդունելի է ներկա իշխանության՝ իշխանության գալու ուղին, եղանակը, կամ ինչպես Մոսկվայում են ասում՝ զավթումը: Կրեմլը վախենում է նախադեպերից:

Այնպես որ, տիկին Սիմոնյանի ուղերձը պետք է դիտարկել հենց այդ տեսանկյունից: Նա պարզապես հնչեցրել է կրեմլամերձ շրջանակներում թևածող մտքերը: Քանի որ Երևանում, կարծես, չէին հասկանում Կրեմլի վերաբերմունքը, որոշեցին ուղիղ ասել՝ առանց դիվանագիտության և խուճուճ մտքերի:

Իզուր կորցրած երկու տարի:

Եթե իշխանությունը հանկած որոշի տեր կանգնել մեր շահերին և ինքնիշխանությանը, ապա ես նրա կողքին եմ: Եթե պիտի շարունակի գավառական խաղերը, ավելի լավ է մի որոշ ժամանակ զբաղվեմ սեփական առողջության հարցերով»: