«Քաղաքակիրթ պետությունների մեծ մասն իրավիճակին սթափ ու ճիշտ գնահատական է տվել»․ Արծրուն Հովհաննիսյան

«Չեմ կարծում, որ Չմիավորված պետությունների շարժման բյուրոն առաջին կազմակերպությունն էր, որ մեզ մեղադրում էր․․․ Ամեն ինչին չէ, որ պիտի արձագանքենք»,- պատասխանելով Չմիավորված պետությունների շարժման բյուրոյի հայտարարության վերաբերյալ լրագրողի հարցին՝ ասաց ՊՆ ներկայացուցիչ Արծրուն Հովհաննիսյանը։

«Մեր դիվանագիտական աշխատանքի շնորհիվ քաղաքակիրթ պետությունների մեծ մասն էլ իրավիճակին ավելի սթափ ու ճիշտ գնահատական է տվել և մեղադրել ադրբեջանական կողմին՝ խաղաղ բնակչությանը հրետակոծելու մեջ»,- նկատեց Հովհաննիսյանը։

Հիշեցնենք, որ Չմիավորված պետությունների շարժման բյուրոն հայտարարություն էր տարածել, որում անդրադառնալով սահմանային զարգացումներին՝ անդամ երկրների անունից Հայաստանին մեղադրել էր ռազմական գործողություններ սկսելու մեջ։