Ադրբեջանը նավթադոլարների վրա հիմնված բռնապետություն է․ #JerusalemPost

Ադրբեջանը, որը Թուրքիայի մերձավոր դաշնակիցն է և նրա հետ Հայոց ցեղասպանության ժխտողը, ակտիվորեն ձգտել է ոչնչացնել տարածաշրջանի բնիկ հայ բնակիչներին և նրանց հազարամյակների քաղաքակրթության հետքերը, գրում է իսրայելական Jerusalem Post թերթը։
Ադրբեջանի հարաբերություններն Իսրայելի հետ զարգանում էին այն կեղծ պատմության վրա, որ Ադրբեջանը «հանդուրժողականության երկիր է»: Սակայն, Ադրբեջանը նավթադոլարների վրա հիմնված բռնապետություն է, որը ավելի քան կես դար կառավարվում է նույն ընտանիքի կողմից։
Հոդվածի հեղինակները նշել են նաև, որ օկուպացիայի ողջ ընթացքում Ադրբեջանական ԽՍՀ-ն մերժեց մշակութային, քաղաքական, լեզվական և տնտեսական իրավունքները արցախահայությանն ու Նախիջևանի հայությանը, և 80-ականների վերջին և 90-ականների սկզբին Ադրբեջանի իշխանությունները սկսեցին կառավարության կողմից աջակցվող Ադրբեջանում հայերի ջարդերն ու կոտորածները՝ ճնշելու Արցախի անկախության կոչերը: Ատելության սերմանումը հանգեցրեց բռնության այնպիսի դեպքերի, ինչպիսին 2004-ին Հունգարիայում քնած հայ զինվորին սպանած ադրբեջանցի Ռամիլ Սաֆարովի դեպքն էր։
Ըստ Jerusalem Post-ի՝ Ադրբեջանը մեծ գումարներ է ուղղել պատժամիջոցների տակ գտնվող իրանական բիզնեսին՝ «Ադրբեջանական լվացքատուն» կոռուպցիոն սկանդալի շրջանակներում: Ադրբեջանի խոշոր նավթամուղի 10%-ը պատկանում է Իրանին, ինչը հնարավորություն է տալիս երկրին շրջանցել միջազգային պատժամիջոցները և շահույթ ստանալ Ադրբեջանի նավթային արդյունաբերությունից:
Հոդվածի հեղինակները գրում են, որ Հայաստանը մասամբ կախված է Իրանից այն պատճառով, որ նրա սահմանների 80%-ը գտնվում է Թուրքիայի և Ադրբեջանի կողմից ապօրինի շրջափակման մեջ:
Եզրափակելով հոդվածը՝ հեղինակները գրում են, որ Հայաստանը, ինչպես և Իսրայելը, ստեղծել են կենսունակ ժողովրդավարական պետություններ՝ բռնատիրությունների ծովում, չնայած Իսրայելը հրաժարվում է ճանաչել Հայոց ցեղասպանությունը։

«Ասում են՝ գյոզալ Ավստրալիան ու Բրազիլիան թողած՝ գնացել են Ադրբեջանի հետ են խաղաղություն հաստատում»․ Նիկոլ Փաշինյան (տեսանյութ)
1418:18
«Նոր սահմանադրության ուղերձը մեկն է՝ մենք փակում ենք կոնֆլիկտների էջը բոլոր ուղղություններով»․ Նիկոլ Փաշինյան (տեսանյութ)
3317:42
Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը
5417:30
«Հերթով ձեր տեղը գտնում եք ՀՀ ինքնիշխան պետության բանտախցերում», «դուք ինձ սպառնո՞ւմ էիք». իրավիճակը՝ ԱԺ-ում (տեսանյութ)
6717:24
«Ադրբեջանի «վերջին պահանջը» ձևավորվում է Հայաստանում»․ Վահե Հովհաննիսյան
6117:06
«TRIPP նախագծի իրականացման գործնական փուլ ենք մտնում». Նիկոլ Փաշինյան (տեսանյութ)
5417:00
«Ադրբեջանցիների ախորժակն ակնհայտորեն բացվել է․ արդեն Ամարաս են հասել»․ Տիգրան Աբրահամյան
6617:00
«Ի՞նչն է պատճառը, որ աշխատավարձերի բարձրացման նախագիծը հետաձգեցիք»․ հարց՝ Տիգրան Խաչատրյանին (տեսանյութ)
6916:48