Զոհրաբ Մնացականյանի հարցազրույցը՝ «France 24» լրատվամիջոցին
669 Երեքշաբթի, 21 հուլիսի, 2020 թ., 15:15 ՀՀ Արտաքին գործերի նախարար Զոհրաբ Մնացականյանը հարցազրույց է տվել «France 24» լրատվամիջոցին: Նա անդրադարձել է վերջին շաբաթվա ընթացքում Հայաստանի և Ադրբեջանի միջև ռազմական բախումներին: «Մենք վճռական ենք եղել մեր պաշտպանությունում։ Մենք նաև շատ սերտ համագործակցել ենք մեր գործընկերների հետ, մասնավորապես ԵԱՀԿ Մինսկի խմբի համանախագահ երկրների՝ Ֆրանսիայի, ԱՄՆ և Ռուսաստանի հետ՝ մարտական գործողությունները դադարեցնելու և հրադադարը վերականգնելու ուղղությամբ։ Այն, ինչ տեղի ունեցավ, ըստ էության, վերջին շաբաթների և ամիսների ընթացքում Ադրբեջանում մեծ ինտենսիվություն ստացած ռազմատենչ և ատելության հռետորաբանության դրսևորում էր։ Ըստ երևույթին, նրանք փորձարկում էին Հայաստանի վճռականությունն ու կարողությունները Լեռնային Ղարաբաղի սահմաններից դուրս։ Եվ սա, իրապես, շատ վտանգավոր զարգացում էր: Առայժմ մեզ հաջողվել է հանդարտեցնել իրավիճակը: Հինգշաբթի օրը ևս մեկ անգամ համանախագահների՝ ՌԴ համանախագահի հետ և մյուս գործընկերների՝ Ֆրանսիայի և ԱՄՆ համանախագահների հետ սերտ համակարգմամբ կարողացանք վերականգնել հրադադարը: Սա կրկին փխրուն իրավիճակ է: Առայժմ այն պահպանվում է, և մեր նպատակն է ապահովել հրադադարի կայուն վերականգնումը: Փաստացի նաև ձեռնարկել հատուկ միջոցներ՝ ամրապնդելու հրադադարի ռեժիմը և բացառելու սահմանի երկայնքով, ինչպես նաև Արցախի հետ շփման գծում հանդարտությանը սպառնացող մարտահրավերները: Սա, իհարկե, մեր կարևոր առաջնահերթությունն է»,- ասել է նախարարը: Անդրադառնալով Մեծամորի ատոմակայանին հարվածելու Ադրբեջանի հայտարարությանը՝ Մնացականն ասել է. «Սա ավելի լայն տարածաշրջանին ուղղված սպառնալիքի, անպատասխանատվության ցայտուն դրսևորում է, փաստացի սպառնալիք նաև սեփական ժողովրդի հանդեպ: Սա շատ մտահոգիչ է և ի ցույց է դնում բանականության ճգնաժամը: Կարծում եմ, որ շատ կարևոր է, որ Բաքվում գան ողջամտության դաշտ»: Նա հայտնել է, որ խնդրի հանգուցալուծման համար պատերազմը տարբերակ չէ, և այն պետք է ամբողջությամբ բացառվի։ |
«Նիկոլն ամեն ինչ հասցրել է ձախողման եզրին». Արտակ Զաքարյան
5202:06«Այսինքն ի՞նչ, պիտի մի հատ էլ դիմո՞ւմ գրենք, որ սառեցրել ենք». Ալեն Սիմոնյան
93Երեկ, 22:48Ֆրանսիական բանակը միջոցներ չունի՝ Ռուսաստանի հետ պատերազմելու համար․ #LeFigaro
194Երեկ, 17:24«Ադրբեջանի վարքագիծն անընդունելի է». Ռուստամ Բաքոյան (տեսանյութ)
127Երեկ, 17:06«Միակողմանի զիջումը ոչ միայն չի կանխելու պատերազմը, այլև արագացնելու է այն»․ Տ․ Հայրապետյան
105Երեկ, 17:00Ուկրաինան 2000 կմ ամրություն է կառուցում՝ տարածքները պահելու համար․ #FinancialTimes
306Երեկ, 16:48«Չեմ բացառում, որ Արցախի գործիչների նկատմամբ հետապնդումների նոր ալիք սկսվի»․ Իշխան Սաղաթելյան
105Երեկ, 16:30«Սահմանը պետք է գծել Խորհրդային Հայաստանի առաջին սահմանով»․ Տիգրան Աթանեսյան
85Երեկ, 16:18