«Այլ հնար չկա». Դանիել Իոաննիսյան

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Կոռումպացված դատավորներին պետք է կարողանանք բացահայտել առանց տուժածների ինքնահրկիզման փորձերի

Տարիներ շարունակ բոլորս գիտեինք, որ Սնանկության դատարանի դատավորների մի մասը սնանկության կառավարիչների միջոցով կարգին յուղոտ կոռուպցիայով էին զբաղվում:

Անցյալ տարի այդ կոռուպցիայի արդյունքում բնակարանը կորցրած քաղաքացին փորձեց ինքնահրկիզվել հենց Կառավարության շենքի տակ, որից հետո ԱԱԾ-ն զբաղվեց խնդրով և օրերս վերջապես բացահայտեց կոռումպացված դատավորներին:

Մենք պետք է ստեղծենք այնպիսի իրավապահ համակարգ, որ կոռումպացված պաշտոնյաներին և դատավորներին բացահայտենք առանց ինքնահրկիզման փորձերի ու նման այլ ակցիաների:

Քաղաքացին պետք է հստակ իմանա, որ առանց ինքնահրկիզման և այլ ակցիաների կարող է գնալ, դիմել իրավապահներին ու հասնել արդարության, ճաղերի այն կողմ տանել կոռուպցիոներներին՝ անկախ դրանց զբաղեցրած դիրքից: Դրա համար պետք է ոչ միայն իրականացնել ռեֆորմներ, այլև ցույց հանրությանը տալ դրանք:

Իսկ դատարանների մասով պետք է օր առաջ ստեղծել հակակոռուպցիոն դատարան և իրականացնել լայնածավալ վեթինգ: Այլ հնար չկա»: