«Մեր հանրությունը ցուցաբերեց բացառիկ միասնական իմաստություն». Վիկտոր Ենգիբարյան

ԱԺ «Իմ քայլը» խմբակցության պատգամավոր Վիկտոր Ենգիբարյանը ֆեյսբուքյան իր էջում գրում է․ «Ռազմական հարձակումների այս օրերին, մի կարևոր բան փոքր-ինչ աննկատ մնաց, այն է՝ հակառակորդի կողմից սանձազերծված տեղեկատվական պատերազմի հանդեպ մեր հավաքական դիմադրողականությունը: Այս հարցի շուրջ խոսել ենք շատ ու մատնանշել, թե որքան վտանգավոր կարող են լինել կեղծ ու մանիպուլյատիվ լուրերը:

ՀՀ վարչապետի աշխատակազմի հանրային կապերի և տեղեկատվության կենտրոն ՊՈԱԿ-ի, ՊՆ և ԱԳՆ խոսնակների դերն այս հարցում գերագնահատել հնարավոր չէ, նրանք փայլեցին:

Այդուհանդերձ հատուկ ծափահարության են արժանի մեդիագրագիտությամբ ու կիրթ վարքագծով աչքի ընկած մեր սիրելի քաղաքացիները: Մեր հանրությունը ցուցաբերեց բացառիկ միասնական իմաստություն, ինչի արդյունքում հակառակորդին հաղթեցինք նաև տեղեկատվական հարթակներում: Բրավո՜:

Կեցցե՜ հայ ժողովրդի հավաքական իմաստությունը»: