«Մարտիրոս Սարյանի անվան պուրակում սկսվել են վերանորոգման աշխատանքներ». Լևոն Զաքարյան

Երևանի ավագանու «Իմ քայլը» խմբակցության անդամ Լևոն Զաքարյանը ֆեյսբուքյան իր էջում գրել է. «Երևանի սրտում գտնվող Մարտիրոս Սարյանի անվան պուրակում սկսել ենք իրականացնել վերանորոգման աշխատանքներ, մասնավորապես՝ նախատեսում ենք անցկացնել ոռոգման նոր համակարգ, թարմացնել գազոնը, արդիականացնել լուսավորության ցանցը, տնկել նոր ծառեր, թփեր և ծաղիկներ, փոխել սալիկներն ու նստարանները։

Վերանորոգումից հետո այգին կլինի սարյանական գույների և կտավների խորհրդապատկեր, որտեղ յուրաքանչյուր այցելու մի պահ կկտրվի իր հոգսերից ու կոգեշնչվի Վարպետի տաղանդով:

Ի դեպ, այս գաղափարի հեղինակը Երևանի քաղաքապետարանի կողմից գործարկվող «Ակտիվ քաղաքացի» հարթակում ծրագրեր ներկայացրած քաղաքացիներն են, իսկ ծրագիրը հաղթող ճանաչվածներից մեկն է»: