«Փաշինյանն այսօր փաստեց, որ ՀՀԿ-ն ճիշտ էր, ինքը՝ սխալ». Էդուարդ Շարմազանով

289

Հինգշաբթի, 23 հուլիսի, 2020 թ., 18:10

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. «Փաշինյանն այսօր փաստեց, որ ՀՀԿ-ն ճիշտ էր, ինքը՝ սխալ:

Լսեցի Նիկոլի խոսքը: Եթե մի կողմ դնենք բանակի հաջողությունից քաղաքական դիվիդենտներ շահելու նրա փորձերն, ակնհայտ է ելույթից բխող հետևությունը.

1. Ալիևի գործողությունները կիրթ և նորմալ չեն:

2. Ադրբեջանն ամենևին կառուցողական չէ:

3. Հարկ է ներդնել միջազգային մոնիթորինգի մեխանիզմներ:

2 տարի անց Նիկոլը փորձում է վերադառնալ Սերժ Սարգսյանի թողած կետին, բայց արդեն լուրջ կորուստներով: Այս ամենի մասին ՀՀԿ-ն բազմիցս բարձրաձայնել է: Եվ այսօր Փաշինյանի ելույթը կարելի է վերնագրել հետևյալ կերպ. ՀՀԿ-ն ճիշտ էր, իսկ Նիկոլը՝ սխալ:

Հ.Գ. Թուրքիան ու Ադրբեջանը Հայաստանին սպառնում են պատերազմով, իսկ կառավարության ղեկավարն ու նրա թիմը զբաղված են՝ բանակի հաջողությունները ծառայեցնելով սեփական քաղաքական շահերին»: