Երկուշաբթի, 23 փետրվարի, 2026 թ.
|
Ստեփանակերտում`   +5 °C

Քյարամ Սլոյանի եղբայրը զորացրվել է

Քյարամ Սլոյանի եղբայրը զորացրվել է
561
Շաբաթ, 25 հուլիսի, 2020 թ., 00:55

Արցախի հերոս, Արցախի անվտանգության խորհրդի նախկին քարտուղար, գեներալ Արշավիր Ղարամյանը լուսանկար է հրապարակել, որտեղ Ապրիլյան քառօրյա պատերազմի հերոս Քյարամ Սլոյանի զորացրված եղբայրն է ծաղկեփունջ փոխանցում իրեն դիմավորող մորը։

«Առանց մեկնաբանության»,- կից գրել է Արշավիր Ղարամյանը:

2016թ․ Ապրիլյան քառօրյայի ժամանակ N զորամասի 4-րդ հրաձգային վաշտի կազմում Քյարամ Սլոյանը հակառակորդի հարձակման առաջին իսկ ժամերից երկարատև մարտ է մղել, չի ենթարկվել վաշտի հրամանատար կապիտան Ուրֆանյանի՝ նահանջելու հրամանին և նրա կողքին մարտնչելով՝ զոհվել։ Ժամանակավորապես թշնամու հսկողության տակ անցած դիրքում պատանի եզդու մարմինն անդամահատել էին հակառակորդները։ Ապրիլյան պատերազմի ավարտից հետո մյուս որդու հետ Քյարամի պաշտպանած մարտական դիրք էր այցելել հայրը՝ Քյալաշ Սլոյանը և ցանկություն հայտնել, որ մյուս որդին էլ ծառայի նույն դիրքում։