«Բերման ենթարկվածները չափահասներ են»․ Ալեքսանդր Կոչուբաև

Փաստաբան Ալեքսանդր Կոչուբաևը քիչ առաջ հայտարարեց, որ այս պահին փաստաբանական խումբը գնում է ոստիկանության բաժին՝ իրավաբանական օգնություն ցույց տալու բերման ենթարկված երկու անձանց։

Կոչուբաևն ակցիայի մասնակիցներին հորդորեց մնալ այգիներում, փողոց չփակել, և չդիմել այնպիսի գործողությունների, որոնք կդիտվեն որպես հավաք։

Փաստաբանը հայտնեց, որ բերման ենթարկվածները չափահաս են։ Նրանք են՝ ակցիայի համակարգող Մասիս Բաբալյանը և ակցիային միացած Հովհաննես Հարությունյանը։