Չընդունված դիմորդներն ակցիան շարունակում են զինվորական շապիկներով

ԿԳՄՍ նախարարության առջև շարունակվում է չընդունված դիմորդների և նրանց ծնողների բողոքի ակցիան։ Որոշ դիմորդներ բողոքի ակցիային ներկայացել են զինվորական շապիկներով և կատարում են հայրենասիրական երգեր։

Լրագրողի հարցին, թե ո՞րն է զինվորական շապիկներով ակցիան շարունակելու խորհուրդը, երիտասարդը պատասխանեց․ «Խորհուրդն էն է, որ բոլորս էլ ստեղ Հայոց բանակին պետք է ծառայենք, ու մեր կառավարությանը խորհուրդ կուդանք, որ մեր դուխները չկոտրեն, էլի, որ դուխով էրթանք մեր սահմանները պահենք։ Հըմի սահմաններն էլ լարված է, սաղս էլ գիտենք․․․ Ընպես էղնի, որ ապագա զինվորների դուխը չկոդրեն, որ կոդրված չերթանք»։