Մալայզիայի նախկին վարչապետը մեղավոր է ճանաչվել ներդրումային ֆոնդից 9,8 միլիոն դոլար յուրացնելու գործով

Մալայզիայի նախկին վարչապետ Նաջիբ Ռազակը երկրի Գերագույն դատարանի կողմից մեղավոր է ճանաչվել Malaysia Development Berhad (1MDB) ներդրումային ֆոնդից գումար յուրացնելու, ինչպես նաև կոռուպցիոն հանցագործությունների համար, գրում է Интерфакс-ը:

Նախկին վարչապետը մեղավոր է ճանաչվել բոլոր յոթ մեղադրանքներով՝ այդ թվում լիազորությունների, վստահության չարաշահման և փողերի լվացման երեք դրվագով: Նրա դեմ դատավարությունը սկսվել էր 2019 թվականի ապրիլին:
Հետաքննությունը սկսվել է այն ժամանակ, երբ Ռազակի անձնական հաշիվներում հայտնաբերվել էր 42 միլիոն մալայզիական ռինգ (9,8 միլիոն դոլար), որը պատկանել էր 1MDB ներդրումային ֆոնդին: Քննիչները պնդում էին, որ Նաջիբն օգտվել է վարչապետի պաշտոնից և կաշառք է ստացել՝ թողարկված միլիարդավոր վարկերի համար կառավարության կողմից երաշխիքներ տրամադրելու համար: Նրան սպառնում է մինչև 20 տարվա ազատազրկում: