Շաբաթ, 19 սեպտեմբերի, 2020 թ.
|
Ստեփանակերտում`   +18 °C

«Ընդերքային ջրերը հոսում են, տները փլուզվում են». Սարի թաղի բնակիչների բողոքի ակցիան

«Ընդերքային ջրերը հոսում են, տները փլուզվում են». Սարի թաղի բնակիչների բողոքի ակցիան
58
Հինգշաբթի, 06 օգոստոսի, 2020 թ., 13:15

Այսօր՝ օգոստոսի 6-ին, կառավարության դիմաց բողոքի տարբեր ակցիաներ են կազմակերպել քաղաքացիները: Սարի թաղի 20 փողոցի բնակիչները պահանջում են լուծում տալ իրենց խնդիրներին: «Արդեն տասը տարի է, ինչ մեր տները գտնվում են վթարային վիճակում. ընդերքային ջրերը հոսում են և տները գնալով փլուզվում են»,- այս մասին հայտնեց ակցիայի մասնակիցը՝ նշելով, որ այդ բնակարաններում անչափահաս երեխաներ կան:

Կառավարության դիմաց ընթացող մյուս ակցիան ուղղված է ընդդեմ արտակարգ դրության երկարաձգման, որի պատճառով ՌԴ-ում բնակվող ՀՀ մի շարք քաղաքացիներ չեն կարողանում վերադառնալ այնտեղ:
Կառավարության դիմաց հերթական ակցիան են անցկացնում նաև Եկմալյան 6-14 շենքերի բնակիչները՝ պահանջելով գերակա հանրային շահ ճանաչված բնակարանների դիմաց փոխհատուցում: