«Նորից գալիս եմ նրան, թե որքան սխալ որոշում էր Կրթության ազգային ինստիտուտի լուծարումը». Անահիտ Բախշյան
380 Երկուշաբթի, 10 օգոստոսի, 2020 թ., 09:50 Կրթության տեսչական մարմնի կառավարման խորհրդի անդամ Անահիտ Բախշյանը ֆեյսբուքյան իր էջում գրել է. «Որքան էլ դժգոհենք պատմության չափորոշիչների թեմայով բուռն քննարկումներից, ինչ որ տեղ նույնիսկ էթիկայի սահմանները հատող որակումներից, բայց շատ կարևոր է, որ այդ «բուռն» քննարկումները կօգնեն ունենալ ավելի լավ չափորոշիչ, որի արդյունքում գրված դասագրքերը, հուսամ, կլինեն իսկապես այնքան հետաքրքիր, որ անխտիր մեր բոլոր աշակերտներն ամեն օր սիրով կկարդան դրանք։ Համենայնդեպս այսպիսի տպավորություն ստացա այս բուռն բանավեճի ավարտից, որի ժամանակ երբեմն իրար չէին լսում մեր հարգելի պատմաբանները։ Ոչինչ, հուսամ նրանց միջև սառույցը հալվեց և հանրությունը սպասելու է այն արդյունքին, որն արդեն միասին կներկայացնեն այս երկու խմբերը։ Առանց ակադեմիական թևի մասնակցության ոչ մի դասագիրք չի կարող լիարժեք լինել, առանց մանկավարժների հետ համագործակցության աշակերտների համար պիտանի դասագիրք չի գրվի։ Նրանք պետք է իրար հետ աշխատեն։ Այս զրույցներից որքան հասկացա, այս ամենի մեղավորն այն պայմանագիրն է, որով չափորոշիչները գրող հանձնախմբի անդամները պարտավորվել են չհրապարակել, նույնիսկ չքննարկել դրանք ակադեմիական շրջանակների հետ։ Անհասկանալին սա է։ Նորից գալիս եմ նրան, թե որքան սխալ որոշում էր Կրթության ազգային ինստիտուտի լուծարումը, որի կանոնադրական նպատակների բարեփոխման և խելացի մասնագետների ընտրության դեպքում այս խնդիրները կլուծվեին իրենց պատասխանատվությամբ և ԿԳՄՍ նախարարն ու հատկապես փոխնախարար տիկին Անդրեասյանը ստիպված չէին լինի օրեր ու ժամեր ծախսել չափորոշիչները պաշտպանելու վրա։ Նրանք այդ ժամանակը շատ ավելի կարևոր հարցեր լուծելուն կծառայեցնին, որոնք այսօր ծառացած են կրթության ոլորտի առաջ։ Իսկ ԿԱԻ-ին փոխարինող խոստացված «Ուղեղների կենտրոն»-ի վերաբերյալ որոշումը կառավարության որոշմանն է սպասում»։ |
«Երբ Հայաստանում իրական ազգային ուժ կգա իշխանության, բոլոր համալսարանները կմնան իրենց տեղերում». Հովհաննես Ավետիսյան
189Երեկ, 02:06Բուլինգ՝ դպրոցում (լուսանկար)
28617.03.2024, 14:00«Ակադեմիական քաղաքից դուրս ոչ մի բուհ չպետք է լինի». Փաշինյան
26516.03.2024, 20:00«Բուհերի պատճառով միջազգային սկանդալների մեջ ենք ընկնում». Փաշինյան
26816.03.2024, 19:48«60 բուհ կա, պրոբլեմ է. սա նշանակում է 60 ռեկտոր, 120 պրոռեկտոր, մի քանի հարյուր դեկան...». Փաշինյան
25116.03.2024, 19:36«Հայաստանում ակադեմիական քաղաք կառուցելու 10 քողարկված նպատակները». Արմեն Այվազյան
26316.03.2024, 16:4871 գիտնական հանդես է եկել «Հայոց պատմություն» առարկայի 7-րդ դասարանի դասագրքի վերաբերյալ հայտարարությամբ
32514.03.2024, 22:06«Հնարավո՞ր է բուհերի միավորման ծրագիրը վերանայվի, ու Կոնսերվատորիայի հարցն առանձնացվի». լրագրողը՝ նախարարին (տեսանյութ)
33914.03.2024, 13:06